د افغانستان د ولسمشرۍ نوماندانو مشورتي جرګه غړي هر يو ښاغلى عنايت الله حفيظ، ډاکترغلام فاروق نجرابي، ډاکتر فرامرز تمنا، ښاغلى محمد ابراهيم الکوزى، ښاغلى محمد حکيم تورسن، انجنير محمد شهاب حکيمي او ښاغلى نوررحمان لېوال دي. دوى د ١٣٩٨ کال د ولسمشرۍ نوماندان دي چې د لوي څښتن په مرسته او ملتيا د يو سوکاله، پرمختللي، ازاد، پځان بسيا افغانستان لپاره سره راټول شوي دي او “د افغانستان د ولسمشرۍ د نوماندانو مشورتي جرګه” يې رامنځته کړي ده.
مشورتي جرګه د پورتنيو ولسمشريزو ټاکنو ډلو ترمنځ د سولي بهير کې د پرمختګ، رڼو ټاکنو رامنځته کولو او نورو ملي چارو کې د همغږيو او همکارۍ په موخه رامنځته شوې ده.
همدارنګه د جرګې ټول غړي په دې ويبځاى کې خپرو شويو موخو ترلاسه کول باور لري او ورته ژمن او متعهد دي.
کابل، افغانستان، يکشنبه، ٢٦ حوت ١٣٩٧